HEZKUNTZA PROIEKTUA

Vera Cruz Ikastetxeak XXI. mendeko eskolatzean erreferente izan nahi du, hezkuntza berritzailearen bidez. Etengabeko berrikuntzan eta sormenean oinarritutako hezkuntza da, eta hezkuntza-komunitate osoak parte hartzen du horretan, ikasleen prestakuntza akademikoa, giza prestakuntza eta gizarte-prestakuntza modu eraginkorrean lortzeko.

Urteak dira gure ikastetxean hezkuntzarako metodologia-proposamen berrienak partekatzen ditugula (estimulazio goiztiarra, adimen anitzen teoria, proiektutako ikaskuntza, lan kooperatiboa, barnekotasunerako heziketa, pentsamendu kritiko eta sortzailea), eta horretan ikaskeak berak dira beren ikaskuntzaren protagonista.

Pentsamendu kritiko eta sortzailea

Pentsamendua erabiltzea eskatzen duten zereginak burutze hutsak ez die nahitaez ikasleei pentsatzea eragiten; horretarako, ezinbestekoa da trebetasun eta abilezia batzuk erabiltzen irakastea.

Ikasketa kooperatiboa

Ikasketa kooperatiboan, ikasleek norberaren arrakasta bilatzeaz gain, taldekide guztien arrakasta ere bilatzen dute. Talde txikien bidez, ikasleek elkarrekin lan egiten dute, beren ikasketa eta besteena maximizatzeko.

Proiektuen bidezko ikaskuntza

Ikasturte bakoitzean diziplinarteko proiektu ezberdinak proposatzen dira ikasleen interesen arabera. Proiektuen bidez, ulermena bultzatzeaz gain, ezagutza, galderak egitea eta hausnartzea ahalbidetzen da.

Adimen anitzak

Howard Gardner-en arabera ez dago adimen bakar bat. Izan ere, pertsona bakoitzak neurri ezberdinean 8 adimen ezberdin garatzen ditu.
Horregatik, adimen bakoitza piztuko duen ikaskuntza bultzatzen dugu, ikasle bakoitzaren garapen ebolutiboa eta gaitasunak errespetatuz .

IKT-en integrazioa gelan

Informazio eta Komunikazioaren Teknologiak irakaskuntza-ikaskuntza prozesurako baliabide oso garrantzitsuak dira ezagutzaren kudeaketa errazte aldera.

Barnekotasuna eta barnekotasunerako heziketa

Lasaitasunaren, meditazioaren eta isiltasunaren aurkikuntzarekin, ikasleek beren barnerako bidea egiten dute, norberarekin konpromiso batera iristeko, bai eta besteekin eta bizi garen espazioarekin ere. Sormenak, hezkuntza emozionalak, gorputzaren kontzientziak, eta garapen espiritualak eta espresio sinbolikoak osatzen dute barnekotasunerako heziketako edukien multzoa. “Esperimentatu-aurkitu-agertu” hiruko metodologiak norberaren erdiguneranzko ikasketa bat egitea ahalbidetzen du.

Start typing and press Enter to search